Johannes Dei gratia rex Anglie, dominus Hibernie, dux Normannie, Aquitanie et comes Andegavie, archiepiscopis, episcopis, abbatibus, comitibus, baronibus, justitiis, vicecomitibus, prepositis et omnibus ballivis et fidelibus suis salutem. Sciatis nos concessisse et confirmasse ecclesie Dei et Sancte Marie de Oseneya et abbati et canonicis ibidem Deo servientibus pro salute nostra ac nostrorum in perpetuam elemosinam et pro anima H(enrici) regis avi patris nostri et pro anima H(enrici) regis patris nostri et aliorum parentum nostrorum ecclesiam Sancti Georgi que sita est in castello Oxenefordie cum omnibus pertinentiis suis, scilicet ecclesiam Sancte Marie Maddalene que est in vico extra portam de North, et terram de Walthona ex utraque parte vie per quam itur de Walthona ad castellum sicut Walterus archidiaconus eam tenuit, et terram de Culdeslauia et de Coueleye cum ecclesia; et terram de Stowia et de Morthona cum ecclesia et capella, et terram de Worthona et de Sanford, et duas hidas de Ernicota cum omnibus aliis rebus ad ecclesiam pertinentibus eandem, in decimis, in hominibus, in domibus, in terris et pratis et pascuis, in bosco et plano sicut prefata ecclesia tenuit a tempore eorum qui eam fundaverunt et sicut mater patris nostri domina imperatrix et rex H(enricus) pater noster illam eis concesserunt et cartis suis confirmaverunt. Quare volumus et firmiter precipimus quod prefata ecclesia et canonici predictas tenaturas habeant et teneant bene et in pace et honorifice, libere et quiete, cum soca et sacha et tholl et theam et infangnetheof et cum omnibus aliis libertatibus et consuetudinibus quas habuerunt tempore regis H(enrici) avi patris nostri et tempore H(enrici) regis patris nostri. Testibus W(illelmo) Londoniensi, G(ilberto) Roffensi episcopis, Gaufrido filio Petri comite Essexie, Willelmo Marescallo comite de Pembrokia, Willelmo Brieguerr, magistro Simone archidiacono Wellensi, Johanne de Grey. Data per manus H(uberto) Cantuariensis archiepiscopi cancellarii nostri apud Hadloo xvi. die Junii anno regni nostri primo.

Notification of the king’s confirmation of the church of St George in Oxford castle, with the church of St Mary Magdalene that is in the street outside the North Gate, and the land of Walton Manor from either side of the road that runs from Walton Manor to the castle, just as Walter the archdeacon held it, and the land of Cutslow and Cowley with the church, and the land of Stow-on-the-Wold and Moreton-in-Marsh with the church and chapel, and the land of Worton and Sandford-on-Thames, and two hides in Arncott, as Oseney Abbey held at the time of its founders and just as the Empress Matilda and Henry II confirmed in their charters.