Iohannes Dei gratia rex Anglie dominus Hybernie dux Normannie Aquitanie comes Andegauie archiepiscopis, episcopis, abbatibus, comitibus, baronibus, iustic(iis), vicecomitibus, prepositis, ministris et omnibus balliuis et fidelibus suis salutem.  Sciatis nos concessisse et presenti carta nostra confirmasse Deo et ecclesie sancte Marie de Leestun’ et canonicis ibidem Deo seruientibus omnes donationes terrarum et hominum et elemosinarum que eis rationabiliter facte sunt in ecclesiis et omnibus aliis rebus et possessionibus.  Quare volumus et firmiter precipimus quod predicti canonici et eorum homines omnes terras et possessiones suas et elemosinas suas habeant et teneant cum soca et saka et thol et theam et infangenethef et cum omnibus aliis libertatibus et liberis consuetudinibus et quietanciis suis in bosco et plano, in pratis et pascuis, in aquis et molendinis, in viis et semitis, in stagnis et viuariis et mariscis et piscariis et grangiis et virgultis, infra burgum et extra et in omnibus rebus et in omnibus locis solutas, liberas et quietas de sectis scirarum et hundredorum et placitis et querelis et de pecunia danda pro forifacto, de murdro et de wapentacio et scutagio et geld et denegeld et hidagio et assisis et de operationibus castellorum et parcorum et pontium et calcearum et de ferdwita et de hengewitha et de flemenfreth’ et de hamsoca et de wardpeni et de auerpeni et de blodwitha et de fithwita et de leerwitha et de hundredpeni et de thethingpeni nisi in introitu, et sint quieti ipsi et homines sui per totam terram nostram de omni theloneo et de omnibus rebus quas ipsi canonici vel homines sui poterunt assecurare quod emant vel vendant eas ad proprios usus ipsorum canonicorum vel hominum suorum absque venditione ulterius facienda, et de passagio et pontagio et lestagio et stallagio et de omni seculari seruicio et opere seruili et exactione et omnibus aliis occasionibus et consuetudinibus secularibus excepta sola iusticia mortis et membrorum.  Hec omnia eis concessimus in perpetuam elemosinam pro Dei amore et salute anime Henrici regis patris nostri et omnium antecessorum et succcessorum suorum sicut carta ipsius regis Henrici patris rationabiliter testatur.  Testibus Huberto Cantuariensi archiepiscopo, Willelmo Londoniensi, Iohanne Norwicensi episcopis, Galfrido filio Petri comite Essex’, Hugone Bard’, Willelmo Briwerr’, Hugone de Neuill’.  Datum per manum Simonis archidiaconi Wellensis apud Porecestr’ xiiii. die Maii anno regni nostri tertio.

Notification that the king has confirmed to the church of St Mary of Leiston all gifts of land, men and alms.