Iohannes Dei gratia etc.  Sciatis ita conuenisse inter nos et Berengariam quondam reginam Anglie uxorem regis Richardi fratris nostri de dote sua quam petebat, scilicet quod nos assignauimus ei pro dote sua m. marc(as) annuas, tredecim s(olidis) et iiii. d(enariis) bonorum sterlingorum computatis pro marca, et infra illas marc(as) m. assignauimus ei Segreium et quicquid habuimus in Segreyo exceptis feodis militum et seruientum pro c. et l. l(ibris) And(egauensium) et de residuo, ultra illas c. et l. l(ibras) recipiet medietatem ad scaccarium nostrum apud Cadomum in festo sancti Michaelis, ita quod pagabitur infra octo dies post festum sancti Michaelis, et alteram medietatem ad Pascham ad scacarium nostrum Londonie, ita quod pagabitur infra octo dies post clausum Pasche, et insuper concessimus ei domos nostras de Torrea cum stagno et molendinis, cum pratis et aliis pertinentiis suis excepta foresta, et de foresta calfagium suum et domus sue, et quod necessarium fuerit ad reparationem domorum illarum molendinorum et stagni per visum forestariorum nostrorum.  Preterea concessimus ei castrum de Baiocis et ciuitatem nostram Baiocensem integre, intra muros et extra, et etiam placita de spada ibidem, retenta nobis donatione episcopatus, et de foresta nostra de Bur calfagium suum et domus sue, et quod necessarium fuerit ad edificationem et reparationem domorum predicti castri per visum forestariorum nostrorum.  Per has autem conuentiones remisit predicta regina in perpetuum omnes querelas suas et demandas quas nobis fecit vel facere potuit de predicta dote sua et omnis aliis rebus.  Predicta igitur regina renuntiauit omnibus cartis et instrumentis et scriptis super dote sua obtentis, ita quo d nunquam eis utetur quamdiu ista pactio ei obseruabitur bona fide.  Quod, si non fuerit ei a nobis et heredibus nostris obseruata, liceat ei habere regressum ad dotem suam repetendam, non obstante conuentione ista, et sciendum quod ei contra omnes homines omnia prenominata nos et heredes nostri garentizabimus bona fide.  Ad maiorem autem huius rei securitatem ad instanciam partium debente iste conuentiones auctoritate domini pape confirmari.  Quod autem predicte conuentiones fideliter et illibate obseruentur in perpetuum, eas presenti carta duximus confirmandas.  Testibus Burdegalensi archiepiscopo, Philippo Dunelmensi et Henrico Xanctonensi episcopis, Ademaro comite Engolismensi, Willelmo Marescallo comite de Panbrun, Gaufrido comite Perticensi, Willelmo comite Sareberiensi, Stephano de Pertico, Willelmo de Rupibus senescallo Andegauie, Garino de Glapion senescallo Normannie, Gaufrido de Cella senescallo Pictauie et Vasconie, Roberto de Torneham, Willelmo de Stagno, Guidone de Diua.  Data per manum Symonis archidiaconi Wellensis apud Chinon primo die Augusti anno regni nostri tercio.

Notification of an agreement between the king and Berengaria formerly Queen of England, wife of Richard I, concerning her dower, namely that the king has assigned for her dower 1,000 marks annually, for which 150 pounds is to be paid from  the revenues of Segré, and in payment of the residual she is to receive half at Michaelmas at the Caen exchequer, and the other half at Easter at the London exchequer; and moreover the king grants to her his houses of 'Torrea', the castle of Bayeux and the city of Bayeux, and pleas of the sword there, reserving for the king the gift of the bishopric, and fuel from the king’s forest of ‘Bur’.