Iohannes Dei gratia rex Angl(ie) dominus Hibernie dux Norm(annie) Aquit(anie) com(es) Andeg(auie) archiepiscopis, episcopis, abbatibus, com(itibus), bar(onibus), iustic(iis), vic(ecomitibus), ministris et omnibus ball(iu)is et fidelibus suis salutem.  Sciatis nos pro amore Dei et pro salute anime nostre et pro animabus antecessorum et successorum nostrorum dedisse et concessise et presenti carta confirmasse Deo et venerabili patri nostro H(uberto) Cant' archiepiscopo ecclesiam de Wulueronehampton' cum omnibus pertinent(iis) suis, scilicet totum decanatum cum prebendis et omnibus aliis ad eum pertinentibus in puram et perpetuam elemosinam ad construendam ibi cuiuscumque ordinis voluerit domum religiosam.  Quare volumus et firmiter precipimus quod ordo religiosus quem idem archiepiscopus ibi constituerit ibi sit in perpetuum et quod idem archiepiscopus et viri religiosi quos ibi posuerit habeant et in perpetuum possideant ecclesiam illam cum prebendis et omnibus aliis pertinentiis suis bene et in pace, libere et quiete, integre, plenarie et honorifice, in bosco et plano, in viis et semitis, in aquis et molendinis, in viuariis et stagnis, in pratis et pascuis, in omnibus locis et rebus et libertatibus ad eandem ecclesiam pertinentibus.  Testibus M(augero) Wigorn', I. Lexon' episcopis, Willelmo com(ite) Sar', R(oberto) comit(e) Leicestr', W(illelmo) de Breosa, Roberto fil(io) Walteri, Gar(ino) fil(io) Gerol(di), Petro de Pratell', Petro de Stok'.  Dat' per manum Hug(onis) de Welles apud Chambrays iii. die Ianuarii anno regni nostri quarto.                 

Notificaiton that the king has granted to Hubert archbishop of Cantberury the church of Wolverhampton with appurtenances, namely the whole deanery with prebends and other things pertaining to it, to build a religious house there of any order he wishes.